Telangana Group 4 Final Key : టీఎస్‌పీఎస్సీ గ్రూప్-4 తుది కీ విడుదల

21:11 October 06

Telangana Group 4 Final Key : టీఎస్‌పీఎస్సీ వెబ్‌సైట్‌లో గ్రూప్‌-4 తుది కీ

Telangana Group 4 Final Key : టీఎస్‌పీఎస్సీ గ్రూప్‌-4 తుది ‘కీ’ విడుదలైంది. పేపర్-1 జనరల్​ స్టడీస్​లో ఏడు ప్రశ్నలు తొలగించగా.. మరో ఎనిమిదింటికి ఆప్షన్ మార్చారు. పేపర్-2 లో రెండు ప్రశ్నలు తొలగించగా.. అయిదింటికి సమాధానాలు మార్చారు. ఆగస్టు 28న ప్రాథమిక 'కీ' విడుదల చేసిన టీఎస్​పీఎస్సీ.. అభ్యర్థుల నుంచి అభ్యంతరాలను స్వీకరించారు. అనంతరం అభ్యంతరాలపై నిపుణుల సిఫార్సులను పరిగణనలోకి తీసుకొని మార్పులు, చేర్పులతో తుది 'కీ' విడుదల చేశారు.

TS Group-4 Exam 2023 Final Key :రాష్ట్రవ్యాప్తంగా వివిధ శాఖల్లో జూనియర్ అసిస్టెంట్, జూనియర్ అకౌంటెంట్, వార్డు ఆఫీసర్, జూనియర్ ఆడిటర్ తదితర 8,180 గ్రూప్‌-4 ఉద్యోగాల భర్తీకి జులై 1న పరీక్ష నిర్వహించారు. గ్రూప్-4 పరీక్షకు గతేడాది డిసెంబరులో నోటిఫికేషన్ జారీ అయింది. రికార్డు స్థాయిలో 9 లక్షల 51 వేల 321 మంది అభ్యర్థులు దరఖాస్తు చేసుకోగా .. 7 లక్షల 60వేల మంది రాశారు. పరీక్ష కోసం రాష్ట్రవ్యాప్తంగా 2 వేల 878 పరీక్ష కేంద్రాలను సిద్ధం చేశారు.

• గ్రూప్​-4 పేపర్​-1 జనరల్ స్టడీస్​ ఫైనల్​ "కీ"
• గ్రూప్​-4 పేపర్​-2 సెక్రటేరియల్​ ఎబిలిటీస్​ ఫైనల్​ "కీ"

ఉదయం 10 నుంచి మధ్యాహ్నం 12:30 గంటల వరకు పేపర్-1 జనరల్ స్టడీస్.. మధ్యాహ్నం 2:30 గంటల నుంచి సాయంత్రం 5 వరకు పేపర్-2 సెక్రటేరియల్​ ఎబిలిటీస్ పరీక్ష నిర్వహించారు. గ్రూప్-4 పరీక్షకు నిరుద్యోగులు ఎక్కువ సంఖ్యలో దరఖాస్తు చేసుకున్నారు. ఒక్కోపోస్టుకు సగటున 116 మంది చొప్పున అభ్యర్థులు పోటీపడ్డారు. టీఎస్‌పీఎస్సీ నిర్వహించిన పరీక్షల్లో ఈ స్థాయిలో దరఖాస్తులు రావడం ఇది రెండోసారి.2018లో 700 వీఆర్‌వో పోస్టుల భర్తీకి టీఎస్‌పీఎస్సీ నిర్వహించిన రాతపరీక్షకు రికార్డుస్థాయిలో 10.58 లక్షల దరఖాస్తులు వచ్చాయి. అప్పట్లో పోస్టులు తక్కువగా ఉండటంతో ఒక్కో పోస్టుకు సగటున 1511 మంది పోటీపడ్డారు.