ప్రార్థనాలయాల పిటిషన్​ విచారణకు సుప్రీం నిరాకరణ

తెలంగాణ సచివాలయ ప్రాంగణంలో ప్రార్థనాలయాల పునరుద్ధరణ పిటిషన్​ విచారణకు సుప్రీంకోర్టు నిరాకరించింది. కూల్చివేత సమయంలో రెండు మసీదులు, ఒక దేవాలయం దెబ్బతిన్నాయని హైదరాబాద్​కు చెందిన ఖాజా ఐజాజుద్దీన్​ పిటిషన్​ వేశారు.

రాష్ట్ర సచివాలయ ప్రాంగణంలోని ప్రార్థనాలయాల పునరుద్ధరణ పిటిషన్ విచారణకు సుప్రీంకోర్టు నిరాకరించింది. హైదరాబాద్​కు చెందిన న్యాయవాది ఖాజా ఐజాజుద్దీన్ సుప్రీంకోర్టు సూచనతో పిటిషన్​ను ఉపసంహరించుకున్నారు.

సచివాలయ భవనం కూల్చివేత సమయంలో రెండు మసీదులు, ఒక దేవాలయం దెబ్బతిన్నాయని వాటిని పునరుద్ధరించాలని ఐజాజుద్దీన్ పిటిషన్ వేశారు. ఆర్టికల్ 32 ప్రకారం పిటిషన్​ను విచారణ చేయలేమని.. పిటిషనర్ మందిరం, మసీదులను ఉద్దేశ్యపూర్వకంగా తొలగించారని తప్పుగా గ్రహించారని జస్టిస్ అశోక్ భూషణ్ ధర్మాసనం సూచించింది.

ఇదీ చూడండి :రాజ్​భవన్​లోని వినాయకుని నిమజ్జనం