ఇంటర్మీడియట్ సప్లిమెంటరీ పరీక్ష మూల్యంకనం సరిగా చేయలేదని హైదరాబాద్ నాంపల్లి ఇంటర్ బోర్డు ముందు విద్యార్థులు, వారి తల్లిదండ్రులు ఆందోళనకు దిగారు. ఆదివారం విడుదలైన సప్లిమెంటరీ ఫలితాలు తప్పుల తడకగా ఉన్నాయంటూ తల్లిదండ్రులు ఆరోపించారు. దీనిపై సంబంధిత అధికారులను అడిగినా సమాధానం చెప్పడంలేదని ఆగ్రహం వ్యక్తంచేశారు. పిల్లలను ప్రత్యేక శ్రద్ధతో చదివించినా... గతంలో వచ్చిన మార్కుల కంటే తక్కువగా వచ్చాయని ఆవేదన వ్యక్తం చేశారు. తమ పిల్లలు రాసిన పరీక్ష పత్రాలను ఆన్లైన్లో పెట్టాలని వారు డిమాండ్ చేశారు. అధికారుల నిర్లక్ష్యం వల్ల తమ పిల్లలు విద్య సంవత్సరం కోల్పోతున్నారని ఆందోళన వ్యక్తం చేశారు. ఇప్పటికైనా పునర్‌మూల్యాంకనం చేసి విద్యార్థుల భవిష్యత్ను కాపాడాలని తల్లిదండ్రులు కోరారు.
ఇంకా తీరు మారని ఇంటర్ బోర్డు