Stolen Mobile Tracking Portal Telangana :మొబైల్ ఫోన్ అనేది నిత్యజీవితంలో తప్పనిసరి వినియోగ వస్తువైపోయింది. ఒక్కొక్కరు అవసరాన్ని బట్టి రెండు సెల్‌ఫోన్లు సైతం వినియోగిస్తున్నారు. ఎన్ని జాగ్రత్తలు తీసుకున్నా.. దొంగలు చరవాణీని కొట్టేస్తున్న ఘటనలు తరచూ చోటు చేసుకుంటున్నాయి. సీఈఐఆర్ పోర్టల్ రిజిష్టర్‌ చేసుకుంటే పొగొట్టుకున్న చరవాణిని టెలికాం శాఖ సాయంతో గుర్తించే అవకాశం ఉంది. దీనికి కావాల్సిందల్లా మీ గుర్తింపు వివరాలు, చరవాణీ కొనుగోలు చేసిన వివరాలు కలిపి పోలీస్ స్టేషన్‌లో ఫిర్యాదు చేస్తే వారే ఈ పోర్టల్లో రిజిస్టర్ చేస్తారు.
How To Find Lost Your Mobile in Telugu : ఈ ఏడాది ఏప్రిల్ 19న దీన్ని తెలంగాణలో ప్రయోగాత్మకంగా ప్రారంభించారు. నెల రోజుల పాటు పరిశీలించిన తర్వాత దేశవ్యాప్తంగా మే 17వ తేదీన అందుబాటులోకి తీసుకొచ్చారు. సీఈఐఆర్ వెబ్‌సైట్‌లో సులభంగా రిజిస్ట్రేషన్ చేసుకునేలా దీన్ని రూపొందించారు. చరవాణి పోయిన వ్యక్తి మొదట తన సిమ్ కార్డును బ్లాక్ చేయించి.. తిరిగి అదే నంబర్‌తో కొత్త సిమ్ కార్డును పొందాలి. చరవాణికి సంబంధించిన ఐఎమ్ఈఐ నెంబర్‌ను నమోదు చేయాలి. మొబైల్‌ను బ్లాక్ చేసే సందర్భంలో సిమ్ కార్డుకు వచ్చే ఓటీపీని నమోదు చేయాలి.
How To Find Lost Mobile : మీ మొబైల్ ఫోన్ పోయిందా.. టెన్షన్ ఎందుకు.. 'సంచార్ సాథీ' తోడు ఉందిగా!
కొనుగోలు చేసినప్పుడు ఇచ్చే ఇన్‌వాయిస్ కాపీని వెబ్‌ సైట్‌లో నమోదు చేయాలి. అంతేకాకుండా చిరునామాకు సంబంధించిన గుర్తింపు కార్డుతో పాటు.. ఏ పోలీస్ స్టేషన్ పరిధిలోకి వస్తుందనే వివరాలు పేర్కొనాలి. అంతగా అవగాహన లేకపోతే పోలీసులే పీఎస్లో నమోదు చేస్తారు. ఒకసారి నమోదు చేస్తే తిరిగి దాన్ని మళ్లీ నమోదు చేసే అవకాశం ఉండదు.చరవాణి ఐఎమ్ఈఐ నెంబర్లను దేశంలోని అన్ని టెలికాం ఆపరేటర్లకు పంపిస్తారు. ఇక సెల్‌ఫోన్‌ను దేశంలో వినియోగించే అవకాశమే ఉండదు.