మరిన్ని సంస్థలు వస్తాయి... యూకే ఇండియా కౌన్సిల్తో రాష్ట్ర ప్రభుత్వం అవగాహనా ఒప్పందం చేసుకుంది. హైదరాబాద్ బంజారాహిల్స్లోని ఓ హోటల్లో జరిగిన కార్యక్రమంలో రాష్ట్ర ఐటీ కార్యదర్శి జయేష్రంజన్, యూకే బిజినెస్ సభ్యులు ఒప్పంద పత్రాలను మార్చుకున్నారు. మరిన్ని సంస్థలు వస్తాయి...
రాష్ట్రంలో పెట్టుబడులు పెట్టేందుకు అంతర్జాతీయ సంస్థలు వస్తున్నా... సంఖ్యాపరంగా బ్రిటీష్ ఆధారిత కంపెనీలు తక్కువగా ఉన్నాయని ఐటీ కార్యదర్శి జయేష్రంజన్ తెలిపారు. ఈ ఒప్పందంతో రాష్ట్రానికి మరిన్ని సంస్థలు వచ్చే అవకాశం ఉందని వివరించారు.
ఆకర్షించటం సులువవుతుంది...
దక్షిణ భారతదేశంలో 18 సంస్థల్లో పెట్టుబడులు పెట్టేందుకు బ్రిటీష్ కంపెనీలు ఆసక్తిగా ఉన్నాయని రంజన్ తెలిపారు. ఈ ఒప్పందం వల్ల ఆ సంస్థలను రాష్ట్రానికి ఆహ్వానించటం సులువవుతుందని అభిప్రాయపడ్డారు.
ఇవీ చూడండి:మ్యాచ్ రిఫరీ నిర్ణయం తీసుకుంటారు: రహానే
