తెదేపా కార్యాలయంలో ఘనంగా రాష్ట్ర ఆవిర్భావ వేడుకలు
హైదరాబాద్ తెదేపా కార్యాలయంలో రాష్ట్ర అవతరణ వేడుకలు ఘనంగా జరిగాయి. తెతెదేపా అధ్యక్షుడు ఎల్.రమణ జాతీయ జెండాను ఆవిష్కరించారు. వేడుకల్లో తెదేపా నాయకులు, కార్యకర్తలు పాల్గొన్నారు. ఎంతో మంది త్యాగధనుల పోరాట ఫలితమే తెలంగాణ అని తెతెదేపా అధ్యక్షుడు ఎల్.రమణ వ్యాఖ్యానించారు. తెరాస పాలనలో అమర వీరుల ఆశయాలు నెరవేరలేని పరిస్థితి కనిపిస్తోందని విమర్శించారు. కేసీఆర్ నియంతృత్వ విధానాలు అవలంబిస్తున్నారని మండిపడ్డారు. నిజామాబాద్ రైతులు పార్లమెంటు ఎన్నికల్లో గులాబీ పార్టీకి సరైన బుద్ధి చెప్పారని అన్నారు. తెదేపా నిరంతంర ప్రజా సమస్యలపై పోరాడుతుందని వెల్లడించారు.