ఆంధ్రప్రదేశ్లోని తిరుమల శ్రీవారి ఆలయంలో గురువారం ప్రారంభమైన జ్యేష్టాభిషేకం.....రెండోరోజు వైభవంగా సాగింది. మూడురోజుల పాటు జరగనున్న జేష్టాభిషేకంలో శుక్రవారం ఉదయం ప్రత్యేక కార్యక్రమాలు నిర్వహించారు. స్వామి, అమ్మవార్లకు అర్ఘ్యం, పాద్యం, ఆచమనీయం చేశారు. అనంతరం శ్రీదేవి, భూదేవి సమేత శ్రీమలయప్పస్వామివారికి ముత్యాల కవచం సమర్పించారు. వేదపండితులు శ్రీసూక్తం, భూసూక్తం, పురుష సూక్తం, నీలా సూక్తం, నారాయణసూక్తాలను పఠిస్తూ పాలు, పెరుగు, తేనె, కొబ్బరినీళ్లు, పసుపు, చందనంతో ఉత్సవమూర్తులకు విశేషంగా అభిషేకం చేపట్టారు.
శ్రీవారి ఆలయంలో రెండో రోజు ఘనంగా జ్యేష్ఠాభిషేకం