మాదాపూర్ పోలీస్టేషన్ ఎదుట క్యూనెట్ బాధితుల ధర్నా క్యూనెట్ నిందితులను అరెస్ట్ చేయడంలో అలసత్వం వహిస్తున్నారంటూ మాదాపూర్ పోలీస్ స్టేషన్ ఎదుట బాధితులు ఆందోళన చేపట్టారు. నిందితులను త్వరగా అదుపులోకి తీసుకోవాలని.. తమకు న్యాయం చేయాలని బాధితులు నినాదాలు చేశారు. క్యూనెట్ బారినపడిన యువత ఆత్మహత్యలకు పాల్పడుతున్నారని ఆవేదన వ్యక్తం చేశారు. విచారణ వేగవంతం చేయాలని డిమాండ్ చేస్తూ ప్లకార్డులు ప్రదర్శించారు.
హైదరాబాద్లోని మాదాపూర్లో క్యూనెట్ మల్టీ లెవెల్ మార్కెటింగ్ పేరిట భారీ కుంభకోణం జరిగింది. క్యూనెట్ సంస్థలో డబ్బులు జమచేస్తే రెండితల ఆదాయం వస్తుందని నిరుద్యోగులు, యువతను నమ్మించి భారీగా వసూళ్లకు పాల్పడింది. రాచకొండ, సైబరాబాద్ కమిషనరేట్ పరిధిలో వందల సంఖ్యలో ఫిర్యాదులు వచ్చాయి. విచారణ చేపట్టిన పోలీసులు ఇప్పటి వరకు 70 మందిని అదుపులోకి తీసుకున్నారు.
ఇవీ చూడండి: శ్రమజీవుల బతుకులను చిదిమేసిన రోడ్డు ప్రమాదం
