నవంబర్ 7న బీఎస్సీ- హానర్స్​ రెండో విడత కౌన్సిలింగ్​

ప్రొఫెసర్​ జయశంకర్ తెలంగాణ వ్యవసాయ విశ్వవిద్యాలయం బీఎస్సీ-హానర్స్ కమ్యూనిటీ సైన్స్​ కోర్సుల్లో మిగిలిన సీట్ల భర్తీ కోసం రెండో విడత కౌన్సిలింగ్​ను జరపనున్నారు. ఈ నెల 7న కౌన్సిలింగ్​ను నిర్వహించనున్నట్లు వర్సిటీ రిజిస్ట్రార్​ డా. ఎస్​. సుధీర్​కుమార్​ తెలిపారు.

ప్రొఫెసర్​ జయశంకర్ తెలంగాణ వ్యవసాయ విశ్వవిద్యాలయం బీఎస్సీ - హానర్స్ కమ్యూనిటీ సైన్స్‌ కోర్సుల్లో మిగిలిన సీట్ల భర్తీ కోసం రెండో విడత కౌన్సిలింగ్​ను వర్సిటీ అధికారులు ప్రకటించారు. ఇప్పటికే మొదటి విడత కౌన్సిలింగ్​ పూర్తయిన తరుణంలో ఇంకా మిగిలిపోయిన బీఎస్సీ కమ్యూనిటీ సైన్స్​ కోర్సు సీట్ల భర్తీ కోసం మరోసారి కౌన్సిలింగ్​ను నిర్వహించనుంది.

ఈ నెల 7న మధ్యాహ్నం రెండు గంటలకు రెండో విడత కౌన్సిలింగ్​ నిర్వహించనున్నట్లు వ్యవసాయ వర్సిటీ రిజిస్ట్రార్​ డా. ఎస్. సుధీర్​కుమార్​ తెలిపారు. ఈ కౌన్సిలింగ్​లో సీటు లభించిన విద్యార్థులు వెంటనే నిర్ణీత రుసుం చెల్లించాల్సి ఉంటుందని ప్రకటించారు. పూర్తి వివరాల కోసం www.pjtsau.edu.inవెబ్​సైట్​లో చూడవచ్చని రిజిస్ట్రార్​ పేర్కొన్నారు.