'ఆన్​లైన్​లో షాపింగ్... రూ.35 వేలు మాయం'

ఆన్​లైన్​లో టీషర్టులు షాపింగ్ చేశాడు. ఒకటే రావడం వల్ల కస్టమర్ కేర్​ను సంప్రదించాడు. అంతలోనే అకౌంట్​ నుంచి రూ.35 వేలు మాయమయ్యాయి. రంగంలోకి దిగిన పోలీసులు కేటుగాళ్లను అరెస్ట్ చేశారు.

ఆన్​లైన్​లో టీషర్ట్​ల పేరిట మోసం చేసిన సైబర్​ కేటుగాళ్లను పోలీసులు అరెస్ట్ చేశారు. హైదరాబాద్​ లాలాగూడ ప్రాంతానికి చెందిన ఓ యువకుడు.. లైంరోడ్ వెబ్​సైట్ ద్వారా రెండు టీ-షర్టులు ఆర్డర్​ చేశాడు. ఒకటి మాత్రమే రాగా కస్టమర్​ కేర్​ను సంప్రదించారు. దీన్ని ఆధారం చేసుకున్న కేటుగాళ్లు... ఓటీపీ నెంబర్​ ద్వారా యువకుడి అకౌంట్​లో ఉన్న రూ. 35 వేలు మాయం చేశారు.

ఘటనతో ఖంగుతిన్న యువకుడు సైబర్​ క్రైమ్ పోలీసులను ఆశ్రయించారు. కేసు నమోదు చేసుకుని దర్యాప్తు చేయగా.. ఝార్ఖండ్​కు చెందిన ఇద్దరు నిందితులను పోలీసులు గుర్తించారు. వారిద్దరినీ అక్కడ అరెస్ట్​ చేసి ట్రాన్సిట్ రిమాండ్​కు తరలించారు.

ఇదీ చూడండి: 'కరోనాపై యుద్ధం కోసం.. వచ్చే ఆదివారం జనతా కర్ఫ్యూ'