ఆ హోటళ్లలో మాత్రమే...
గత కొన్నేళ్లుగా హైదరాబాద్‌లో జరుగుతున్న న్యూ ఇయర్‌ పార్టీలో సెలబ్రిటీల జోరు తగ్గి.... డీజేల హవా కొనసాగుతోంది. ఈసారి మాత్రం పరిస్థితిలో పెద్ద మార్పు లేదు. నగరంలో ప్రముఖ హోటళ్లతో పాటు.. నగర శివారలోని ఒకటి రెండు రిస్టార్టులు తప్ప... ఎక్కడా కొత్త ఏడాది వేడుకల హంగామా కనిపించడం లేదు. ఇందులోనూ కేవలం డీజేలకు మాత్రమే అనుమతిచ్చారు.
అనుమతులు కఠినం...
గతేడాది అనుభవాలు పార్టీ ప్రియులను వెంటాడుతుడటం వల్ల చాలా మంది అపార్ట్‌మెంట్లు, ఫామ్‌హౌస్‌ పార్టీలకు పరిమితవుతున్నారు. అదే విధంగా ఈసారి పోలీసులు అనుమతులు విషయంలో కఠినంగా వ్యహరిస్తున్నట్లు నిర్వహకులు చెబుతున్నారు. ఈ రంగంలో ఏర్పాటు చేసే అనుభవం ఉన్న వారికి మాత్రమే అనుమతులు ఇస్తున్నట్లు నిర్వాహకులు తెలిపారు.
ఖర్చులు పెరగటమూ కారణమే...
ఈవెంట్‌ నిర్వహణకు సమయం తక్కువగా ఉండటం వల్ల నిర్వహకులు ఆన్‌లైన్‌ ద్వారా టికెట్ల విక్రయాల వైపు మొగ్గు చూపుతున్నారు. గతంలో పోల్చితే ఈసారి జోరు బాగానే తగ్గిందనే చెప్పాలి. సినీ తారలు, లేకపోవడం, డీజే హంగామా తగ్గువగా ఉండటం, నిర్వహణ ఖర్చులు భారీ పెరగటం కూడా జోరు తగ్గటానికి కారణాలంటున్నారు నిర్వాహకులు.
ఇదీ చూడండి:భారత తొలి సీడీఎస్గా బిపిన్ రావత్ నియామకం
