భాగ్యనగరం మరో జాతీయ స్థాయి క్రీడల పోటీకి ముస్తాబైంది. నేటి నుంచి ఈనెల 7 వరకు హుస్సేన్సాగర్లో 34వ జాతీయ స్థాయి సెయిలింగ్ పోటీలను డిఫెన్స్ ఆధ్వర్యంలో నిర్వహించనున్నారు. ఈ పోటీల్లో 16 రాష్ట్రాలకు చెందిన 175 మంది క్రీడాకారులు పాల్గొననున్నారు. ఈ పోటీల్లో యువతులు కూడా అధిక సంఖ్యలో పోటీ చేయనున్నారు. వయస్సు, బరువును బట్టి 8 కేటగిరీలుగా ఈ పోటీలు జరగనున్నాయి.
ఎంచుకునేది తక్కువే...
సెయిలింగ్ క్రీడాకారులు ఇప్పటికే హైదరాబాద్ చేరుకుని హుస్సేన్సాగర్లో సాధన చేస్తున్నారు. వినూత్నమైన ఈ ఆటను తక్కువ మంది ఎంచుకుంటారని.... నచ్చిన వాళ్లు వదిలిపెట్టరని సెయిలింగ్ క్రీడాకారులు తెలిపారు. ఈ క్రీడలో రాణించాలంటే ఈత కొట్టడం, సమయస్ఫూర్తి కూడా అవసరమని వారు పేర్కొన్నారు.
కొన్ని జాగ్రత్తలు తీసుకుంటే ఈ ఆటను అద్భుతంగా ఆడొచ్చని ఆటగాళ్లు వివరించారు. క్రీడాకారులు సెయిలింగ్ చేస్తూ నీటిలో మునిగిపోతే వారిని కాపాడేందుకు నాలుగు రెస్క్యూ బృందాలను ఏర్పాటు చేసినట్లు నిర్వాహకులు తెలిపారు. సరదాగా సాయంత్రం సమయంలో ట్యాంక్బండ్కు వచ్చే వారికి సెయిలింగ్ క్రీడలు మరింత ఉత్సాహాన్ని ఇవ్వనున్నాయి.
ఇవీ చూడండి : 'మహిళా అధికారిణిపై దాడి ఆటవిక చర్య'