'ఎంపీడీవోలు పల్లె ప్రగతిలో పాల్గొనవద్దు'

రాష్ట్రంలో పురపాలక ఇన్​ఛార్జ్​ కమిషనర్లుగా వ్యవహరిస్తున్న ఎంపీడీవోలు పల్లె ప్రగతి కార్యక్రమాల్లో పాల్గొనకూడదని రాష్ట్ర ఎన్నికల సంఘం ఆదేశించింది.

రాష్ట్రంలో పురపాలక ఎన్నికల కోడ్ అమల్లో ఉన్న నేపథ్యంలో ఇన్​ఛార్జ్​ కమిషనర్లుగా ఉన్న ఎంపీడీవోలు ప్రజాప్రతినిధులు, రాజకీయ నేతలతో కలిసి వేదికలను పంచుకోవడం, కార్యక్రమాల్లో పాల్గొనడం ఎన్నికల కోడ్ ఉల్లంఘన అవుతుందని ఈసీ స్పష్టం చేసింది. ఎన్నికల విధులకు ఇబ్బంది కలుగుతుందని పేర్కొంది.

ఈ మేరకు ఎన్నికల సంఘం ఉత్తర్వులు జారీ చేసింది. పురపాలక ఎన్నికల రిటర్నింగ్ అధికారులు, సహాయక రిటర్నింగ్ అధికారుల నియామకానికి రాష్ట్ర ఎన్నికల అథారిటీ, పురపాలక శాఖ డైరెక్టర్‌కు అధికారాలు కల్పించింది.

ఇదీ చూడండి: పెన్సిల్​పై హ్యాపీ న్యూ ఇయర్