ఆదర్శ పాఠశాలల ప్రవేశ దరఖాస్తు గడువు పెంపు

రాష్ట్రవ్యాప్తంగా ఆదర్శ పాఠశాలల్లో ప్రవేశానికి ఆన్‌లైన్ దరఖాస్తు గడువును పెంచారు. ఈనెల 20వ తేదీ వరకు పొడిగించినట్లు ప్రాజెక్టు డైరెక్టర్ ఉషారాణి తెలిపారు.

రాష్ట్ర వ్యాప్తంగా ఆదర్శ పాఠశాలల్లో ప్రవేశాల కోసం ఆన్‌లైన్‌ దరఖాస్తు గడువును పెంచుతున్నట్లు ఆదర్శ పాఠశాలల ప్రాజెక్టు డైరెక్టర్ ఉషారాణి తెలిపారు. ఈనెల 20 వరకు ఆరో తరగతి ప్రవేశాల కోసం దరఖాస్తులు సమర్పించవచ్చని ఆమె వెల్లడించారు.

అదేవిధంగా ఏడు నుంచి పదో తరగతి వరకు ఖాళీగా ఉన్న సీట్లలో కూడా ప్రవేశాల కోసం దరఖాస్తులు స్వీకరిస్తున్నట్లు పేర్కొన్నారు. కరోనా తీవ్రత కారణంగా దరఖాస్తులు, ఫీజు చెల్లింపు గడువు పొడిగించినట్లు స్పష్టం చేశారు. ప్రవేశాలకు సంబంధించిన పూర్తి వివరాలు http://telanganams.cgg.gov.in వెబ్ సైట్‌ను సందర్శించాలని ఆమె సూచించారు.

ఇదీ చూడండి:కరోనా పరిస్థితులపై అధికారులతో సీఎం కేసీఆర్‌ సమీక్ష