విద్యార్థులకు శానిటైజర్లు, మాస్కులు అందించిన ఎమ్మెల్యే సాయన్న

బోయిన్​పల్లిలోని బాపూజీ నగర్​లో ఉన్న ఎస్సీ, ఎస్టీ బాలుర వసతి గృహంలో కరోనా బారినపడిన విద్యార్థులకు ఎమ్మెల్యే సాయన్న ఉచితంగా శానిటైజర్లు, మాస్కులు, ఆహారం అందించారు. ఏమైనా సమస్యలు తలెత్తితే తమను సంప్రదించాలని నిర్వాహకులకు సూచించారు.

హైదరాబాద్​ బోయిన్​పల్లిలోని బాపూజీ నగర్​లో ఉన్న ఎస్సీ, ఎస్టీ బాలుర వసతి గృహంలో పలువురు విద్యార్థులు కరోనా బారినపడ్డారు. విషయం తెలుసుకున్న కంటోన్మెంట్ ఎమ్మెల్యే సాయన్న, బోయిన్​పల్లి మార్కెట్ కమిటీ ఛైర్మన్ టి.ఎన్. శ్రీనివాస్​తో కలిసి విద్యార్థులకు ఉచితంగా శానిటైజర్లు, మాస్కులు, ఆహారం, పాలు, గుడ్లు అందజేశారు.

విద్యార్థులకు ఏమైనా సమస్యలు తలెత్తితే వెంటనే తమను సంప్రదించాలని హాస్టల్​ ఇంఛార్జీకి సూచించారు. ప్రస్తుతం విద్యార్థుల పరిస్థితి నిలకడగానే ఉందని, హాస్టల్ పరిసర ప్రాంతాల్లో శానిటైజేషన్ చేయించామని నిర్వాహకులు తెలిపారు.

ఇదీ చూడండి:గురుకులంలో కరోనా కలకలం.. మొత్తం 26 మందికి పాజిటివ్​