జీహెచ్ఎంసీ ఎన్నికల్లో అభివృద్ధికి పట్టం కట్టాలని మంత్రి పువ్వాడ అజయ్ కుమార్ పేర్కొన్నారు. కూకట్పల్లి డివిజన్లోని పలు కాలనీల్లో స్థానిక ఎమ్మెల్యే మాధవరం కృష్ణారావుతో కలిసి ప్రచారం చేపట్టారు. తెరాస అభ్యర్థి మందడి శ్రీనివాస్ తరపున ఇంటింటా ప్రచారం నిర్వహించారు. కేపీహెచ్బీలోని ఎనిమిది డివిజన్లలో తెరాస అభ్యర్థులనే గెలిపించాలని మంత్రి ఓటర్లకు విజ్ఞప్తి చేశారు.
కేపీహెచ్బీలో స్థల వివాదాలను పరిష్కరిస్తాం : పువ్వాడ అజయ్ - ghmc elections
భద్రత విషయంలో హైదరాబాద్ను దేశంలోనే మొదటిస్థానంలో నిలిపిన ఘనత కేటీఆర్దేనని మంత్రి పువ్వాడ అజయ్ కుమార్ అన్నారు. గ్రేటర్లో ఎన్నికల్లో కూకట్పల్లి డివిజన్లో తెరాస అభ్యర్థులను గెలిపించాలని ఆయన కోరారు. కేపీహెచ్బీలోని పలు కాలనీల్లో ఆయన ప్రచారం చేశారు.
కేపీహెచ్బీలో స్థల వివాదాలను పరిష్కరిస్తాం : పువ్వాడ అజయ్
అనంతరం సాయినగర్లో ఏర్పాటు చేసిన ఆత్మీయ సమ్మేళనం కార్యక్రమంలో మంత్రి ప్రసంగించారు. జేఎన్టీయూ సమీపంలో ఉన్న భూవివాదాలను పరిష్కరించేందుకు కృషి చేస్తానని ఆయన అన్నారు. సీఎం కేసీఆర్, మంత్రి కేటీఆర్ల ఆధ్వర్యంలో భద్రతలో భాగ్యనగరం దేశంలోనే మొదటిస్థానంలో నిలిచిందని తెలిపారు. ఈ కార్యక్రమంలో కార్యకర్తలు, ఇతర నాయకులు పెద్దఎత్తున పాల్గొన్నారు.