మాస్కులు పంపిణీ చేసిన పోలీసులు

విపత్కర పరిస్థితుల్లో వైరస్ వ్యాప్తిని అరికట్టడానికి ప్రభుత్వం అన్ని చర్యలు తీసుకుంటుంది. ప్రభుత్వ యంత్రాంగంతోపాటు పోలీసులు కూడా తమ వంతు సాయం చేస్తూ మానవతా దృక్పథాన్ని చాటుకుంటున్నారు.

సికింద్రాబాద్​లోని మచ్చ బొల్లారం మార్కెట్ వద్ద వినియోగదారులకు, అభాగ్యులకు అల్వాల్ పోలీసులుమాస్కులు, శానిటైజర్లు అందించారు. ప్రస్తుత పరిస్థితుల్లో ప్రతి ఒక్కరూ విధిగా మాస్కులు ధరించాలని పోలీసులు విజ్ఞప్తి చేశారు.

అల్వాల్ ఇన్​స్పెక్టర్ యాదగిరి ఆధ్వర్యంలో ఈ కార్యక్రమాన్ని నిర్వహించారు. మాస్కులను అందించి వారికి కరోనాపై అవగాహన కల్పించారు. అనవసరంగా బయట తిరగకుండా భౌతిక దూరాన్ని పాటించాలని ఆయన కోరారు.

ఇదీ చూడండి :విద్యార్థులూ... మానసిక సమస్యలుంటే ఫోన్‌ చేయండి