మల్లేపల్లిలో ఎంఐఎం కార్యకర్తలపై భాజపా ఫిర్యాదు

తమ ప్రచార వాహనం బ్యానర్లను చింపి వేశారంటూ ఎంఐఎం కార్యకర్తలపై మల్లేపల్లి డివిజన్ భాజపా​ అభ్యర్థి భర్త పవన్​కుమార్ పోలీసులకు ఫిర్యాదు చేశారు. ఆయనతో పాటు ఎంపీ సోయం బాపూరావు కూడా పాల్గొన్నారు.

ఎంఐఎం కార్యకర్తలు తమ ప్రచార వాహనం బ్యానర్లను చింపివేశారంటూ మల్లేపల్లి డివిజన్ భాజపా అభ్యర్థి భర్త పవన్​కుమార్ హబీబ్​నగర్ పోలీసులకు ఫిర్యాదు చేశారు. బ్యానర్లను చింపివేసి ఎంఐఎం స్టికర్లను అతికించారని ఆయన ఆరోపించారు.

తమ డివిజన్​లో ఎంఐఎం అల్లర్లు సృష్టించేందుకు ప్రయత్నిస్తోందని మండిపడ్డారు. మళ్లీ ఇలాంటి చర్యలకు పాల్పడితే సహించేది లేదని పవన్​కుమార్ హెచ్చరించారు. ఆయనతో పాటు ఎంపీ సోయం బాపూరావు పోలీస్​స్టేషన్​కు చేరుకున్నారు.

ఇదీ చూడండి:'రాష్ట్ర పథకాల్లో అధికశాతం కేంద్రం భాగస్వామ్యంతోనే అమలు'