తెలంగాణకు 29, ఏపీకి 17.5 టీఎంసీలు

వేసవి కాలం దృష్ట్యా రెండు తెలుగు రాష్ట్రాలకు కృష్టా నీటి పంపకాలపై యాజమాన్య బోర్డు సమావేశమైంది. శ్రీశైలం, సాగర్​ నుంచి తాగు, సాగు అవసరాలకోసం నీటిని విడుదల చేసేందుకు నిర్ణయం తీసుకుంది.

హైదరాబాద్‌ జలసౌధలో కృష్ణా నదీ యాజమాన్య బోర్డు త్రిసభ్య కమిటీ సమావేశం ముగిసింది. మే వరకు రెండు తెలుగు రాష్ట్రాలకు అవసరమైన నీటి కేటాయింపుపై భేటీలో చర్చించారు. తెలంగాణకు 29, ఏపీకి 17.5 టీఎంసీల నీటిని విడుదల చేయాలని కమిటీ నిర్ణయించింది. శ్రీశైలంలో 800, సాగర్‌లో 505 అడుగుల నీటిమట్టం ఆధారంగా ఈ కేటాయింపులు చేశారు. సాగర్‌లో వీలైనంత మేరకు 510 అడుగుల వరకు నీటిమట్టం ఉండేలా చూడాలని బోర్డు నిశ్చయించింది. భేటీలో బోర్డు ఛైర్మన్ ఆర్.కె.జైన్‌, సభ్య కార్యదర్శి హరికేష్ మీనా, తెలంగాణ ఈఎన్‌సీ మురళీధర్, ఏపీ ఈఎన్‌సీ వెంకటేశ్వరరావు పాల్గొన్నారు.

ఇవీ చూడండి:అల్లూరిగా చరణ్, కొమురంభీంగా తారక్