వాహన ప్రేమికులు ఎంతో ఆతృతగా ఎదురు చూస్తోన్న కియా మోటార్స్ తన తొలి సెల్టోస్ వాహనాన్ని హైదరాబాద్లో ఇవాళ ఆవిష్కరించింది. మూసాపేట్, నాగోల్, హైటెక్ సిటీ, సికింద్రాబాద్ ప్రాంతాలలో కియా స్టోర్లను జెన్కో సీఎండీ ప్రభాకర్ రావు, జీహెచ్ఎంసీ జోనల్ కమిషనర్ హరిచందన ప్రారంభించారు.
ఆకర్షణీయమైన డిజైన్, వైబ్రెంట్ కలర్స్, స్మార్ట్ ఫీచర్స్తో కూడిన బీఎస్6 ప్రమాణాలు గల ఈ కారును సొంతం చేసుకునేందుకు నగరవాసులు పోటీపడ్డారు. ఒక్క రోజులోనే ఆరు వేలకు పైగా కార్లు బుకింగ్ చేసినట్లు కియా కంపెనీ సౌత్ ఇండియా విభాగం ప్రకటించింది. 1.4 టర్బో ఇంజిన్, మానిటర్తో కూడిన 360 డిగ్రీ కెమెరా డిస్ప్లే, హెచ్డీ నావిగేషన్ వంటి ఎన్నో ఆధునాతన ఫీచర్స్ గల ఈ కారు ధర, డెలివరీ తేదీలను త్వరలో ప్రకటిస్తామని కియా మోటార్స్ ప్రకటించింది. మొదట 25 వేల రూపాయలతో కారు బుక్ చేసుకోవచ్చని డీలర్లు పేర్కొన్నారు.
ఇదీ చూడండి : వరుస చోరీలకు పాల్పడుతున్న దొంగ అరెస్ట్