ముఖ్యమంత్రి కేసీఆర్‌కు అరుదైన ఆహ్వానం అందింది. అమెరికా అధ్యక్షుడు డొనాల్డ్‌ ట్రంప్‌ భారత పర్యటన సందర్భంగా ఆయన గౌరవార్థం రాష్ట్రపతి ఇచ్చే విందుకు కేసీఆర్‌ను ఆహ్వానించారు. శనివారం రాష్ట్రపతి భవన్‌ ఈ మేరకు సీఎంకు లేఖను పంపింది.
25న రాత్రి 8 గంటలకు విందు
ట్రంప్‌ భారత పర్యటనలో భాగంగా ఈ నెల 25న రాత్రి 8 గంటలకు రాష్ట్రపతి రామ్‌నాథ్‌ కోవింద్‌ విందు ఏర్పాటు చేశారు. రాష్ట్రపతి భవన్‌లో రాష్ట్రపతి, ప్రధాని పాల్గొనే ఈ విందుకు పరిమిత సంఖ్యలో కేంద్ర మంత్రులు, ఎనిమిది రాష్ట్రాల ముఖ్యమంత్రులకు ఆహ్వానం లభించింది.