మానవత్వం చాటిన ఎమ్మెల్యే.. కరోనా మృతదేహానికి అంత్యక్రియలు

ఏపీలోని కర్నూలు ఎమ్మెల్యే హఫీజ్ ఖాన్ మానవత్వం చాటుకున్నారు. కరోనాతో చనిపోయిన ఓ వ్యక్తి మృతదేహానికి వారి మతాచారాలు పాటిస్తూ అంత్యక్రియలు నిర్వహించారు. కొవిడ్​తో మృతిచెందిన వారికి గౌరవంగా వీడ్కోలు చెప్పాలని సూచించారు.

కరోనాతో చనిపోయిన ఓ వ్యక్తి మృతదేహానికి కర్నూలు ఎమ్మెల్యే హఫీజ్ ఖాన్ అంత్యక్రియలు నిర్వహించారు. నగరంలోని ఓ శ్మశానవాటికలో వారి మతాచారాలను పాటిస్తూ... కార్యక్రమం పూర్తి చేశారు.

ప్రజలెవరూ కరోనా మృతదేహాలను చూసి భయాందోళన చెందాల్సిన అవసరం లేదన్నారు. వారి వారి మతాచారాల ప్రకారం అంత్యక్రియలు నిర్వహించుకోవచ్చని స్పష్టం చేశారు.

ఇవీ చూడండి:రాష్ట్రంలో కొత్తగా 2,083 కరోనా పాజిటివ్​ కేసులు