అధ్యాపకుల నిరసన, నిలిచిపోయిన ఇంటర్ మూల్యాంకనం

ఇంటర్​ పరీక్ష పత్రాల మూల్యాంకన ధరలు పెంచాలంటూ అధ్యాపకులు నిరసనకు దిగారు. టీఏ, డీఏలు పెంచాలని డిమాండ్​ చేశారు. హైదరాబాద్​ కాచిగూడ జూనియర్​ కళాశాలలో ఆందోళన నిర్వహించారు. ధర్నాతో మూల్యంకనం నిలిచిపోయింది.

ప్రభుత్వం మూల్యాంకన ధరలను పెంచడంలో నిర్లక్ష్యం వహిస్తోందంటూ కాచిగూడ జూనియర్​ కళాశాలలో ఇంటర్​ మూల్యాంకనాన్ని అధ్యాపకులు నిలిపేశారు. విధులు బహిష్కరించి ఆందోళనకు దిగారు. సర్కారు తీరు వల్ల గత కొన్నేళ్లుగా తీవ్రంగా నష్టపోతున్నామని.. టీఏ, డీఏలు కూడా పెంచడం లేదని ఆవేదన వ్యక్తం చేశారు. ప్రతి పేపర్​కు 30 రూపాయలు చెల్లించాలని డిమాండ్​ చేశారు.

టీఏ, డీఏ రూ.300 చేయాలి

టీఏ, డీఏలను 300 రూపాయలకు పెంచాలని అధ్యాపకులు కోరారు. ఆంధ్రప్రదేశ్​లో ఏటికేడు పెంచుతున్నారని ఇక్కడ మాత్రం పట్టించుకోవడం లేదని వాపోయారు. సమస్యలు పరిష్కరించే వరకు రాజీలేని పోరాటం చేస్తామని హెచ్చరించారు.

ఇవీ చూడండి :టమోటాలతో హోలీ... ఎంతో బాగుంటుందో మరి