రాయితీపై నారు కావాల్సిన రైతులు ఒక మొక్కకు 10 పైసల చొప్పున చెల్లించి కావాల్సిన నారు బుక్ చేసుకోవాలని వ్యవసాయ శాఖ మంత్రి నిరంజన్రెడ్డి అన్నారు. హైదరాబాద్ శివారు జీడిమెట్లలోని సెంటర్ ఆఫ్ ఎక్స్లెన్స్ (సీఓఈ)ని సందర్శించారు. హైటెక్ పద్ధతిలో, నియంత్రిత వాతావరణ పరిస్థితుల్లో పెంచుతున్న కూరగాయల నారును పరిశీలించారు. రాష్ట్రంలో తొలిసారిగా ప్రయోగాత్మకంగా సాగు చేస్తున్న ఆర్కిడ్ పూల పంట, యాజమాన్య పద్ధతుల దిగుబడి, లాభాలపై ఆరా తీశారు. నిట్టనిలువుగా కూరగాయలు, ఆకు కూరలు సాగు చేసే పద్ధతి పరిశీలించి అడిగి తెలుసుకున్నారు. కోరమాండల్ ఇంటర్నేషనల్, ఉద్యాన శాఖ ఆధ్వర్యంలో న్యూట్రి క్లినిక్ ద్వారా భూసార పరీక్షలు చేస్తున్న ల్యాబ్ సందర్శించారు. న్యూట్రి క్లినిక్ సేవలను కేవలం 100 రూపాయలకే ఒక్కో నమూనా పరీక్షించి ఇచ్చే విధానాన్ని మంత్రి అభినందించారు.
ఆధునిక పద్ధతులతో అధిక దిగుబడి