తెరాస కార్యకర్తలకు నిత్యావసర సరుకుల పంపిణీ

రాష్ట్ర ఐటీ శాఖ మంత్రి కేటీఆర్​ జన్మదినం సందర్భంగా గోషామహల్​ నియోజకవర్గంలోని తెరాస కార్యకర్తలకు ఆదిత్య కృష్ణ ఛారిటబుల్​ ట్రస్ట్​ ఆధ్వర్యంలో నిత్యావసర సరుకులు పంపిణీ చేశారు. కరోనా వల్ల పని లేక ఇబ్బందులు పడుతున్న పేదలకు తమవంతు సాయంగా నిత్యావసరాలు పంచుతున్నట్టు ట్రస్టు ఛైర్మన్​, తెరాస నేత నందకిషోర్​ బిలాల్​ తెలిపారు.

మంత్రి కేటీఆర్ పుట్టినరోజు సందర్భంగా గోషామహల్ నియోజకవర్గంలోని తెరాస కార్యకర్తలకు ఆదిత్య కృష్ణ ఛారిటబుల్ ట్రస్ట్ ఛైర్మన్, తెరాస గోషామహల్​ నియోజకవర్గ ఇంఛార్జి నంద కిషోర్ బిలాల్ బియ్యం, నిత్యావసర సరుకులు పంపిణీ చేశారు. కరోనా మహమ్మారి వల్ల పనులు లేక తీవ్ర ఇబ్బందులు ఎదుర్కొంటున్న నిరుపేదల కోసం.. లాక్​డౌన్​ సమయంలో 62రోజుల పాటు ప్రతిరోజు నిత్యావసర సరుకులు పంచినట్టు ఆయన తెలిపారు.

మంగళ్ ​హాట్ కార్పొరేటర్ పరమేశ్వరిసింగ్​తో కలిసి ఆయన బేగంబజార్​లో ఐదు వందల మంది తెరాస కార్యకర్తలకు నిత్యావసర సరుకులు అందజేశారు. ఏ పేదవాడు ఆకలితో అలమటించొద్దన్న ముఖ్యమంత్రి కేసీఆర్ అదేశాల మేరకు.. తమ ట్రస్ట్ ద్వారా నిత్యావసర సరుకులు పంచినట్టు నందకిషోర్​ బిలాల్​ తెలిపారు.

ఇవీ చూడండి:శరవేగంగా వైరస్​ వ్యాప్తి‌.. మూడు వారాల్లోనే మూడు రెట్లు పెరిగిన కేసులు