గ్రేటర్ హైదరాబాద్ మిషన్ రూ. 500 కోట్లు

2019-20 ఆర్థిక సంవ‌త్సరం ఆస్తిప‌న్నులో భాగంగా ఈ నెల 30వరకు రూ.500 కోట్లను సేక‌రించాల‌ని జీహెచ్ఎంసీ లక్ష్యంగా పెట్టుకుంది. ప్రస్తుత ఏడాది ప‌న్నును ఏప్రిల్​ 30లోగా చెల్లించిన వారికి 5శాతం రిబేట్‌ను ఇస్తూ ప్రభుత్వం ఉత్తర్వులు జారీచేసింది. లక్ష్యం చేరేందుకు జోన‌ల్ క‌మిష‌న‌ర్ల‌కు జీహెచ్ఎంసీ క‌మిష‌న‌ర్ దాన‌కిషోర్ ఆదేశాలు జారీచేశారు.

పెరుగుతున్న రుణభారం, ఖర్చులను తట్టుకునేందుకు.. బల్దియా.. ఆస్తిపన్ను వసూళ్లలో నిర్లక్ష్యం వీడాలని నిర్ణయించింది. ఈసారి 500కోట్లు వసూలు చేయాలని లక్ష్యంగా పెట్టుకుంది. ముందస్తు చెల్లింపులకు 5శాతం డిస్కౌంట్​తో.. ఎర్లీబర్డ్​ పథకం తీసుకొచ్చింది.

ఈ ప్రతిపాదిత ఆస్తిపన్ను సేకరణ లక్ష్యంలో 50 శాతం (రూ. 250 కోట్లు) పన్నులు వాల్యుయేషన్​ అధికారులు, ట్యాక్స్​ ఇన్​స్పెక్టర్లు, బిల్​ కలెక్టర్ల ద్వారా.. 20 శాతం పన్నులు గ్రేటర్ పౌర సేవా కేంద్రాల ద్వారా... ఆన్​లైన్​ నుంచి 100 కోట్లు... మీ-సేవా ద్వారా 50 కోట్లు సేకరించడానికి ప్రణాళికలు రూపొందించారు.

గతంలో పన్ను చెల్లింపుదారులు కేవలం జీహెచ్​ఎంసీ పౌరసేవా కేంద్రాలు, ఆన్​లైన్, మీ-సేవా కేంద్రాల ద్వారానే చెల్లించేవారు.. ఎర్లీబర్డ్​ పథకం కింద ప్రస్తుత ఆర్థిక సంవత్సర పన్ను సేకరణకు జీహెచ్​ఎంసీ ఉద్యోగులైన వాల్యుయేషన్​ అధికారులు, ట్యాక్స్​ ఇన్​స్పెక్టర్లు, బిల్​కలెక్టర్లను నియమించి.. నివాసేతర ఇళ్ల పన్నులపై దృష్టి సారించారు.

ప్రాంతాల వారిగా ఆస్తిపన్ను లక్ష్యాలు

ప్రాంతం గత ఏడాది వసూలు(కోట్లలో) ప్రస్తుత లక్ష్యం ఖైరతాబాద్ 122.61 141.55 శేరిలింగంపల్లి 79.36 91.62 కూకట్​పల్లి 72.25 83.41 సికింద్రాబాద్ 72.25 83.41 ఎల్బీనగర్​ 60.46 69.80 చార్మినార్ 29.17 33.88

బల్దియా మొత్తం లక్ష్యం

గత ఏడాది వసూలు	రూ.433.09 కోట్లు
ఈ ఏడాది లక్ష్యం	రూ.500 కోట్లు

ఈ మేరకు... అధికారులకు రోజువారి ఆస్తిపన్ను సేకరణ లక్ష్యాలను నిర్దేశించారు జీహెచ్​ఎంసీ కమిషనర్​ దానకిశోర్. ఈ నెలాఖరులోగా ప్రస్తుత ఏడాది పన్ను చెల్లించి 5 శాతం రాయితీ పొందాలని నగరవాసులకు విజ్ఞప్తి చేస్తున్నారు.

ఇదీ చూడండి: భార్య పుట్టింటికి వెళ్లిందని పిల్లల్ని హతమార్చాడు