దుర్గం చెరువు కేబుల్ బ్రిడ్జి... అక్టోబర్లో పూర్తి
దుర్గం చెరువు కేబుల్ బ్రిడ్జి నిర్మాణ పనులు అక్టోబర్లోగా పూర్తికానున్నాయని జీహెచ్ఎంసీ కమిషనర్ దానకిశోర్ అన్నారు. దుర్గం చెరువు కేబుల్ బ్రిడ్జి నిర్మాణ పనులను పట్టణాభివృద్ధిశాఖ ముఖ్య కార్యదర్శి అరవింద్కుమార్తో పాటు పరిశీలించారు.
పర్యటక రంగానికి ఆకర్షణ దుర్గం చెరువు
దుర్గం చెరువు కేబుల్ బ్రిడ్జిలో కాలినడక దారి, సైక్లింగ్ ట్రాక్తో పాటు అత్యాధునిక ఆకర్షణీయమైన లైటింగ్ కూడా ఏర్పాటు చేస్తున్నామని తెలిపారు. హైదరాబాద్ నగర పర్యటక రంగానికి దుర్గం చెరువు సరికొత్త ఆకర్షణగా రూపొందనుందని పేర్కొన్నారు. ఇప్పటికే దుర్గం చెరువు పనుల్లో 2 మిలియన్ సురక్షిత పని గంటలు పూర్తి చేయడం ద్వారా సరికొత్త రికార్డు సృష్టించామన్నారు.