'15కోట్ల టవర్ల బకాయిలు వెంటనే కట్టండి'

ఎన్నో రోజులుగా పెండింగ్​లో ఉంచిన బకాయిలను వెంటనే కట్టాలని జీఎహెచ్​ఎంసీ కమిషనర్ దానకిషోర్ సెల్యులర్ టవర్ల యాజమాన్యాలకు తెలిపారు.

జీహెచ్ఎంసీకి భారీమొత్తంలో ఆస్తిపన్ను బకాయిలు చెల్లించాల్సిన సెల్యులర్ టవర్ల యాజమాన్యాలు వెంటనే డబ్బులు చెల్లించాలని కమిషనర్ దానకిషోర్ తెలిపారు. ఆస్తిపన్ను బకాయిల చెల్లింపులపై సెల్​టవర్ల యాజమాన్యాలతో సమావేశాన్ని నిర్వహించారు. నగరంలో ప్రధానంగా ఉన్న 14 సెల్యులర్ టవర్ల ఏజెన్సీల ద్వారా రూ.14 కోట్ల 98 లక్షల 86 వేల బకాయిలు రావాల్సి ఉందన్నారు. వీలైనంత త్వరగా చెల్లించాలని సూచించారు. లేనిపక్షంలో తగు చర్యలు తీసుకుంటామని హెచ్చరించారు.

ఏయే కంపెనీలు ఎంతెంత..?

ఏటీసి టెలికాం సంస్థ 15 లక్షల 96 వేలు, వియోమ్ సంస్థ 2 కోట్ల 58 లక్షల 88వేలు, రిలయన్స్ జియో 3 కోట్ల 48 లక్షల 61 వేలు, అసెండ్ టెలికాం ఇన్ ఫ్రా 74 లక్షల 27 వేలు, బీఎస్​ఎన్ఎల్ 2 కోట్ల 25 లక్షల 77 వేలు చెల్లించాల్సి ఉన్నట్లు జీహెచ్​ఎంసీ కమిషనర్ దానకిషోర్ వెల్లడించారు. చెన్నీ నెట్​వర్క్ 84 లక్షల 31 వేలు, జీటీఎల్ ఇన్​ఫ్రాస్ట్రక్చర్ 90 లక్షల 71 వేలు, ఐడియా 5 లక్షల 94 వేలు, రిలయన్స్ కమ్యూనికేషన్ లిమిటెడ్ 3 కోట్లు 27 లక్షల 85 వేలు, టవర్ విజన్ 35లక్షల 92 వేలు, సారయ్య టవర్స్ 18వేలు, భారతి ఎయిర్​టెల్ లిమిటెడ్ 46 వేల బకాయిలున్నాయని దానకిషోర్ స్పష్టం చేశారు.

ఇవీ చదవండి:కాంగ్రెస్​ తీర్థం పుచ్చుకోనున్న శత్రుఘ్న సిన్హా!