విష జ్వరాలు, డెంగీతో రాష్ట్రం వణుకుతోంది. రోగులు ఆస్పత్రులకు క్యూ కడుతున్నారు. హైదరాబాద్ గాంధీ ఆస్పత్రిలో విష జ్వరాల రోగులు ఇబ్బందులు అన్నీ ఇన్నీ కావు.
ఒకే బెడ్పై ముగ్గురికి చికిత్స..
మామూలు రోజుల్లోనే ఇక్కడ చికిత్స సరిగా అందదు. ఇక పెరిగిన రోగులతో.. పరిస్థితి అధ్వాన్నంగా తయారైంది. సిబ్బంది కూడా రోగులను పట్టించుకోకుండా నిర్లక్ష్యంగా వ్యవహరిస్తున్నారు డాక్టర్లు.
పట్టించుకునే నాథుడే లేడు...
పాము కరిచిన వ్యక్తి, జ్వరమొచ్చిన వ్యక్తి, కడుపునొప్పితో బాధపడుతున్న ముగ్గురినీ ఒకే బెడ్పై పడుకోబెట్టి చికిత్సను అందిస్తున్నారు. మరికొందరు రోగులను నేలపైనే పడుకోబెట్టి ఫైర్ సేఫ్టీ పరికరానికి సెలైన్ అమర్చి చికిత్సను అందిస్తున్నారు.
ప్రభుత్వం విషజ్వరాల నివారణ చర్యలు సరిగ్గా చేపట్టలేకపోయిందని రోగులు అంటున్నారు. ఇప్పటికైనా ప్రభుత్వం, డాక్టర్లు త్వరగా స్పందించి రోగులకు ఎలాంటి ఇబ్బందులు లేకుండా చికిత్సను జాగ్రత్తగా అందించాలని కోరుతున్నారు.
ఇవీచూడండి: వచ్చే నెలలో ఇందూరు వస్తా: సీఎం కేసీఆర్
