ఆర్థికసాయం కోసం రోడ్డెక్కిన వరద బాధితులు

సికింద్రాబాద్ చిలకలగూడ సీతాఫల్​మండిలో వరద బాధితులు రోడ్డెక్కారు. ప్రభుత్వం అందిస్తున్న ఆర్థిక సాయం తమకు అందలేదని ఆవేదన వ్యక్తం చేశారు.

ప్రభుత్వం అందిస్తున్న పదివేల రూపాయల ఆర్థిక సాయం తమకు అందడం లేదని సీతాఫల్​మండిలో వరద బాధితులు ఆవేదన వ్యక్తం చేశారు. వరదల వల్ల తీవ్రంగా నష్టపోయిన తమను ప్రభుత్వం ఆదుకోవడం లేదని ఆరోపించారు.

సీతాఫల్​మండిలో చౌరస్తా వద్ద పెద్ద ఎత్తున నిరసనకు దిగారు. కార్యక్రమానికి భాజపా స్థానిక నాయకులు మద్దతు తెలిపారు. బాధితుల ఆందోళనతో పైవంతెనపై భారీగా వాహనాలు నిలిచిపోయాయి.

ఇదీ చూడండి:'దుబ్బాక స్ఫూర్తితో జీహెచ్​ఎంసీలో భాజపాను గెలిపించండి'