శ్రీశైలం జలాశయానికి తగ్గుతున్న వరద
శ్రీశైలం జలాశయానికి వరద క్రమంగా తగ్గుతోంది. గత కొన్ని రోజులుగా ఉద్ధృతంగా ప్రవహించిన కృష్ణమ్మ తగ్గుముఖం పట్టింది. ప్రస్తుతం జలాశయానికి 6లక్షల 23 వేల క్యూసెక్కుల ఇన్ఫ్లో కొనసాగుతుండగా.. ఔట్ ఫ్లో 6లక్షల 50 వేల క్యూసెక్కులు ఉంది. పూర్తిస్థాయి నీటిమట్టం 885 అడుగులు కాగా.. ప్రస్తుతం 881.40 అడుగుల మేర ఉంది. జలాశయం పూర్తి నీటి సామర్థ్యం 215.81 టీఎంసీలకు గాను ప్రస్తుతం 195.66 టీఎంసీల నీటిమట్టం ఉంది. కుడిగట్టు విద్యుత్ కేంద్రం ద్వారా 31 వేల 31 క్యూసెక్కులు, ఎడమగట్టు విద్యుత్ కేంద్రం ద్వారా 42 వేల 378 క్యూసెక్కులు విడుదల చేస్తున్నారు. నాగార్జునసాగర్కు 10 గేట్ల ద్వారా 5లక్షల 43 వేల క్యూసెక్కులు వదులుతున్నారు.