సీబీఐ దర్యాప్తు జరపకపోతే సుప్రీం కోర్టుకు వెళ్తా: ఏబీ వెంకటేశ్వరరావు

ఏపీ రాష్ట్ర ప్రభుత్వం తనపై మోపిన అభియోగాలకు సంబంధించి సీబీఐ దర్యాప్తు జరపాలని మాజీ ఇంటెలిజెన్స్‌ ఛీప్ ఏబీ వెంకటేశ్వరరావు ప్రభుత్వాన్ని కోరారు. ఈ మేరకు ఆయన ఇవాళ ప్రభుత్వ ప్రధాన కార్యదర్శికి లేఖ రాశారు.

ఆంధ్రప్రదేశ్​ ప్రభుత్వం తనపై మోపిన అభియోగాలపై సీబీఐ దర్యాప్తు జరపాలని... ఇంటెలిజెన్స్ మాజీ చీఫ్ ఏబీ వెంకటేశ్వరరావు డిమాండ్ చేశారు. ఈ మేరకు సీఎస్‌కు లేఖ రాశారు. అభియోగాలపై విచారణకు సంబంధించి 9 పేజీల లేఖ రాశారు.

ఏపీ ప్రభుత్వం చేసిన ఆరోపణలకు వ్యతిరేకంగా ఆధారాలను జతచేశానని... కమిషనర్ ఆఫ్ ఎంక్వైరీస్ విచారణలో నకిలీ పత్రాలు సమర్పించారని వెల్లడించారు. సీబీఐ దర్యాప్తు జరపకపోతే సుప్రీంకోర్టుకు వెళ్తానని ఏబీ వెంకటేశ్వరరావు స్పష్టం చేశారు.

• ఇదీ చదవండి:రాష్ట్రంలో 3 వేలకు చేరువలో రోజువారీ కరోనా కేసులు