గర్భిణికి పురిటి నొప్పులు... 4 కిలోమీటర్లు డోలీలో మోసిన గ్రామస్థులు!

ఏపీలోని విజయనగరం జిల్లాలో గిరిజన గ్రామస్థులకు డోలీ కష్టాలు తీరడం లేదు. కొండల మీదుగా గర్భిణులు, రోగుల తరలింపు ఆగడం లేదు. ఈ క్రమంలోనే మరయ్యపాడుకు చెందిన గర్భిణిని 4 కిలోమీటర్లు డోలీలో మోసుకుపోయారు గ్రామస్థులు.

ఆంధ్రప్రదేశ్​లోని విజయనగరం జిల్లా సాలూరు మండలం మరయ్యపాడు గిరిజన గ్రామానికి చెందిన ఓ గర్భిణిని.. స్థానికులు నాలుగు కిలోమీటర్లు డోలీలో మోశారు. మైదాన ప్రాంతానికి తీసుకొచ్చిన తర్వాత అక్కడ నుంచి అంబులెన్స్‌లో భోగవలస పీహెచ్​సీకి చేర్చారు.

అనంతరం ఆమె బాబుకి జన్మనిచ్చింది. తమ గ్రామానికి రహదారి సౌకర్యం కల్పించాలని ఎన్నో ఏళ్లుగా గిరిజనులు మొరపెట్టుకుంటున్నా.. పరిస్థితిలో ఎలాంటి మార్పు లేదని గ్రామస్థులు ఆవేదన చెందారు. ఇప్పటికైనా అధికారులు స్పందించాలని కోరారు.

ఇదీ చదవండి:SureshRaina: క్రికెటర్ రైనా బయోపిక్​లో సూర్య?