Dogs Attack Boy in Chaitanyapuri: హైదరాబాద్లో వీధి కుక్కలు విరుచుకుపడుతున్నాయి. శునకాల దాడిలో అంబర్పేట్లో నాలుగేళ్ల బాలుడి మృతి చెందిన విషయం తెలిసిందే. ఈ ఘటన మరవక ముందే మరిన్నీ దాడి ఉదంతాలు వెలుగులోకి వస్తున్నాయి.
నగరంలోని చైతన్యపురిలో మారుతి నగర్ రోడ్ నెంబర్ 19 జైన్ మందిర్ వద్ద సోమవారం రాత్రి నాలుగేళ్ల బాలుడు(రిషి)పైన వీధి కుక్కలు దాడి చేశాయి. బాలుడి కేకలు విని కుక్కలను తల్లిదండ్రులు, కాలనీవాసులు పరిగెత్తుకెళ్లారు. కుక్కలు బాలుడిపై పడి పీక్కుతినం గమనించి వెంటనే అప్రమత్తమయ్యారు. పక్కనే ఉన్న రాళ్లు, కర్రలతో కుక్కలను తరిమికొట్టారు.
తాజాగా రాజేంద్రనగర్ హైదర్గూడ ఎర్రబోడ కాలనీలో వీధి కుక్కలు బీభత్సం సృష్టించాయి. వరుసగా ఐదు మందిపై దాడి చేసి గాయపరిచాయి. అదే ప్రాంతంలో ఇంటి ముందు ఆడుకుంటున్న బాలుడిని శునకం చెయ్యి పట్టుకొని ఈడ్చుకుంటూ వెళ్లింది. కింద పడేసి నెత్తిపై విచక్షణారహితంగా కరిచాయి. అడ్డుకోవడానికి యత్నించిన మరో బాలుడిపై కూడా దాడి చేశాయి. ఈ ఘటనతో భయబ్రాంతులకు గురైన స్థానికులు అధికారులకు సమాచారం ఇచ్చారు. గాయపడిన వారికి చికిత్స చేయించారు.
Stray Dogs Rampant In Karimnagar District:కరీంనగర్‌ జిల్లాలో వీధి కుక్కలు భయాందోళనకు గురి చేస్తున్నాయి. శంకరపట్నం మండల కేంద్రంలో ఎస్సీ బాలుర వసతి గృహంలోకి కుక్క చొరబడింది. అక్కడే ఉన్న విద్యార్థి పిన్‌రెడ్డి సతీష్‌రెడ్డిపై కుక్క దాడి చేసింది. ఈ దాడిలో విద్యార్థి తీవ్రంగా గాయపడ్డాడు. చికిత్స నిమిత్తం 108 అంబులెన్స్‌లో కరీంనగర్‌ ప్రభుత్వాసుపత్రికి తరలించారు.
Stray Dogs Are Causing Panic In Karimnagar District: కుక్కల దాడిలో తీవ్రంగా గాయపడిన బాలుడిని తల్లిదండ్రులు చికిత్స నిమిత్తం స్థానిక ఆస్పత్రికి తరలించారు. దీని గురించి ఎన్నోసార్లు మున్సిపాలిటీ వాళ్లకు ఫిర్యాదు చేసినా చర్యలు చేపట్టలేదని, గతంలో వెంబడించినప్పుడు ఫిర్యాదు చేసి కుక్కలను పట్టించినా.. కొంతమంది కాలనీవాసులు వాటిని విడిపించి, వాటికి ఆహారం వేస్తున్నారని ఆవేదన వ్యక్తం చేశారు. కొన్నిరోజుల క్రింత ఇదే ప్రాంతంలో కుక్కల దాడిలో ఓ విద్యార్థి కూడా గాయపడ్డాడు. మరో ఘటనలో కుక్కలు వెంటపడటంతో ఓ వృద్ధుడు తీవ్రగాయాల పాలయ్యాడు.
వీణవంక మండలం మల్లారెడ్డిపల్లిలో మరో ఘటన చోటు చేసుకుంది. గ్రామానికి చెందిన యేసయ్య అనే వ్యక్తి ద్విచక్ర వాహనంపై వెళ్తుండగా కుక్కులు వెంటపడ్డాయి. ద్విచక్ర వాహనంపై నుంచి యేసయ్య కింద పడటంతో తీవ్రంగా గాయపడ్డాడు. చికిత్స నిమిత్తం హుజూరాబాద్‌ ఏరియా ఆసుపత్రికి తరలించారు.
ఇవీ చదవండి:
