ఖైరతాబాద్ గణపతి దర్శనానికి పోటెత్తిన భక్తులు
హైదరాబాద్లో వినాయక నవరాత్రి ఉత్సవాలు అంగరంగ వైభవంగా కొనసాగుతున్నాయి. ఏటా విశేష ఖ్యాతిని సంతరించుకునే ఖైరతాబాద్ గణపతి సందర్శనకు రోజు రోజుకు భక్తుల తాకిడి పెరుగుతోంది. అధిక సంఖ్యలో ప్రజలు ద్వాదశాదిత్య మహా గణపతిని దర్శించుకుని మొక్కులు తీర్చుకుంటున్నారు. ఈ సందర్భంగా నిర్వహించిన సాంస్కృతిక కార్యక్రమాలు ఆకట్టుకుంటున్నాయి. ఒకవైపు ప్రముఖులు రాక, మరో వైపు భక్తుల సందడితో ఖైరతాబాద్ ప్రాంతమంతా సందడిగా మారింది.