ముగిసిన డెడ్​లైన్​... తర్వాత ఏం జరగనుందో..?

సీఎం కేసీఆర్​ ఆర్టీసీ కార్మికులకు ఇచ్చిన గడువు మంగళవారం అర్ధరాత్రితో ముగిసింది. ఈ నేపథ్యంలో గడువులోపు రాష్ట్ర వ్యాప్తంగా 360 మంది విధుల్లో చేరేందుకు లేఖలిచ్చినట్లు సమాచారం.

ఆర్టీసీ కార్మికులకు సీఎం కేసీఆర్​ ఇచ్చిన గడువు ముగిసింది. మంగళవారం అర్ధరాత్రిలోగా కార్మికులు విధుల్లో చేరాలని... లేకపోతే ఉద్యోగాలు ఉండవని హెచ్చరించారు. కేసీఆర్​ ఆదేశాలను ఆర్టీసీ ఐకాస లెక్కచేయలేదు. తమను చర్చలకు పిలిచే వరకు సమ్మె విరమించేది లేదని తేల్చిచెప్పింది. రాష్ట్ర వ్యాప్తంగా మంగళవారం అర్ధరాత్రి వరకు మొత్తం 360 మంది ఉద్యోగులు విధుల్లో చేరారు. డెడ్​లైన్​ ముగియడంతో ఏం జరగబోతుందోననే ఉత్కంఠ అందరిలో నెలకొంది.

ఇదీ చూడండి: కేసీఆర్ డెడ్‌లైన్‌తో ఎంతమంది విధుల్లో చేరారంటే..?