'అబలలను ఎరవేస్తోన్న సైబర్ కేటుగాడు అరెస్ట్'

హైదరాబాద్ అంబర్​పేటలో తనను నమ్మి సహజీవనం చేస్తోన్న భాగస్వామి ఫోటోలను ఇంస్టాగ్రామ్​లో అమ్మకానికి పెట్టాడో ప్రబుద్ధుడు. విషయం తెలుసుకున్న బాధితురాలు సీసీఎస్ పోలీసులకు ఫిర్యాదు చేసింది.

అమ్మాయిల ఫోటోలను ఇంస్టాగ్రామ్​లో పెట్టి... కాల్ గర్ల్​గా చిత్రీకరిస్తూ, అమాయక యువత నుంచి డబ్బులు దండుకుంటున్న ఓ వ్యక్తిని సీసీఎస్ పోలీసులు అరెస్ట్ చేశారు. అంబర్ పేటలో నివాసం ఉండే రుచిత, మణికేత్ రెడ్డి 2018 నుంచి సహజీవనం చేస్తున్నారు. అంబర్ పేటలో ఓ ఇంటిని అద్దెకు తీసుకుని జీవనం సాగిస్తున్నారు. ఏడాది వరకు వారి జీవితం సాఫీగానే సాగింది. అనంతరం మణికేత్ రెడ్డి రెండు నెలల క్రితం ఆమెను వదిలేసి వెళ్ళిపోయాడు. బాధిత యువతి రుచిత తన భర్త కనిపించట్లేదంటూ స్థానిక పోలీసులను ఆశ్రయించింది.

తరచూగా మారుస్తూ...

కేసు నమోదు చేసుకున్న పోలీసులు దర్యాప్తు చేపట్టారు. మణికేత్ రెడ్డితో ఉన్నప్పుడు తరుచూ మొబైల్ నెంబర్లు మారుస్తూ ఉండట వల్ల...ఆ నెంబర్​లను సోషల్ మీడియాలో సెర్చ్ చేసింది. సదరు నెంబర్లపై పలువురు మహిళల పేర్లతో అకౌంట్​లు ఇంస్టాగ్రామ్​లో ప్రత్యక్షమయ్యాయి.
అంతర్జాలం నుంచి సేకరించిన మహిళల ఫోటోలు పెడుతూ... యువతను ప్రేరేపించే విధంగా పోస్టులు పెట్టేవాడు. ఆ అకౌంట్లలో తన ఫోటోతో పాటు, స్నేహితురాలి ఫోటోనూ చూసిన బాధితురాలు... కంగుతింది.

ఇంస్టాగ్రామ్​లో ఫోటోలు...

గత రెండు రోజుల క్రితం మణికేత్ రెడ్డిని పోలీసులు అదుపులోకి తీసుకున్నారు. తన స్నేహితురాలి ఫోటోతో పాటు అనేక మంది అమ్మాయిల ఫోటోలను ఇంస్టాగ్రామ్​లో పోస్ట్ చేశాడని సైబర్ క్రైమ్ పోలీసులకు ఫిర్యాదు చేసింది. యువతి ఫిర్యాదుతో సీసీఎస్ పోలీసులు నిందితుడిని అదుపులోకి తీసుకున్నారు.

అతని పోస్టులకు ఆకర్షితులైన యువత అతని గూగుల్ పే నెంబర్​కు డబ్బులు పంపేవారు. అలా ఒకసారి డబ్బులు పంపిన వ్యక్తుల నెంబర్​లను మణికేత్ రెడ్డి బ్లాక్ చేసేవాడిని విచారణలో వెల్లడైనట్లు సీసీఎస్ ఏసీపీ ప్రసాద్ తెలిపారు. రుచిత, ఆమె స్నేహితురాలి సోదరుడు చేసిన ఫిర్యాదులపై కేసు నమోదు చేసినట్లు ప్రసాద్ వెల్లడించారు.

ఇవీ చూడండి : అమ్మాయి విషయంలో గొడవ.. ఓ విద్యార్థి ఆత్మహత్యాయత్నం..