హైదరాబాద్ పరిధిలో నిత్యం సైబర్ నేరాలు, సైబర్ కేసులు నమోదవుతూనే ఉన్నాయి. తాజాగా షేక్ పేట్ ప్రాంతానికి చెందిన సాయి అవంతి అనే మహిళ.. ఓ ప్రైవేటు సంస్థలో పని చేస్తున్నారు. ఇటీవలే ఆపిల్ లేటెస్ట్ మోడల్ మొబైల్ కొనుగోలు చేశారు. ఆ మొబైల్కి ఈ-సిమ్ సౌకర్యం ఉంది. దీంతో ఆమె ఆ సౌకర్యాన్ని వినియోగించేందుకు ఆంగీకారం తెలిపింది. ఇంతలో ఆమెకు ఈ-సిమ్ యాక్ట్వేట్ చేస్తామని ఒక ఫోన్ వచ్చింది. అందుకు ఆమె ఒప్పుకొంది. మీ ఈ-సిమ్ అప్డేట్ చేస్తామని, మొబైల్కి ఓ కోడ్ వస్తుందని.. అది చెప్పాలని అడిగారు. కోడ్కు సంబంధించిన వివరాలు చెప్పగానే.. ఆమె ఈ-సిమ్ను డిస్కనెక్ట్ చేశారు.
మహిళను బోల్తా కొట్టించిన సైబర్ నేరగాళ్లు.. రూ.9 లక్షలు లూటీ!
రాష్ట్రంలో సైబర్ నేరాలు రోజురోజుకు పెరిగిపోతున్నాయి. సిమ్ కార్డు, బహుమతి, లోన్ అంటూ బురిడీ కొట్టించి.. ఖాతాల్లోంచి డబ్బులు కొట్టేస్తున్న ఘటనలు నిత్యం చోటు చేసుకుంటూనే ఉన్నాయి. తాజాగా షేక్పేట్ ప్రాంతానికి చెందిన ఓ మహిళను ఈ-సిమ్ కార్డు లోన్ అంటూ బోల్తా కొట్టించి రూ.9.48 లక్షలు కాజేశారు. పోలీసులు కేసు నమోదు చేసుకొని దర్యాప్తు చేస్తున్నారు.
మహిళను బోల్తా కొట్టించిన సైబర్ నేరగాళ్లు.. రూ.9 లక్షలు లూటీ!
తాత్కాలికంగా అందుబాటులో ఉండడం కోసం మరో నెంబరు కావాలని అడిగారు. సదరు బాధితురాలు ఆమె తల్లి నెంబర్ ఇచ్చింది. ఆ తర్వాత వెంటనే ఆ నెంబర్కు ఫోన్ చేసి మేడమ్ ఈ-సిమ్ అప్డేట్తో పాటు.. అందులో బ్యాంకు ఖాతా వివరాలు కూడా అప్డేట్ చేయాలని అడిగారు. వారి మాటలను పూర్తిగా నమ్మిన ఆమె ఐసీఐసీఐ బ్యాంకు ఖాతా వివరాలు చెప్పింది. మరుక్షణమే ఆమె ఖాతా నుంచి రూ.9.48 లక్షలు కొట్టేశారు. అయితే.. ఈ సమాచారం ఉద్యోగినికి అందలేదు. ఈ-సిమ్ యాక్టివేట్ చేయడానికి 24 గంటలు పడుతుందని చెప్పడం వల్ల ఆమెకు ఆ సమాచారం అందలేదు. ఆఫీసులో మెయిల్ చెక్ చేసుకున్న బాధితురాలు తన ఖాతా నుంచి నగదు డ్రా అయినట్టు గుర్తించింది. వెంటనే బ్యాంకు అధికారులకు తన ఖాతా బ్లాక్ చేయమని చెప్పింది. అనంతరం హైదరాబాద్ సైబర్ క్రైమ్ పోలీసులకు ఫిర్యాదు చేసింది. కేసు నమోదు చేసుకున్న పోలీసులు దర్యాప్తు ప్రారంభించారు.
ఇవీ చూడండి:ఆగస్టు, సెప్టెంబర్ నెలల్లో మరింతగా కరోనా విజృంభణ: ఈటల