హైదరాబాద్ గోల్కొండలో స్వాతంత్య్ర దినోత్సవం కోసం ఏర్పాట్లు ముమ్మరంగా సాగుతున్నాయి. ఆగస్టు 15న ముఖ్యమంత్రి కేసీఆర్ జాతీయ పతాకాన్ని ఆవిష్కరిస్తారు. ఇందుకోసం అధికారులు పనులను వేగవంతం చేశారు. ఏర్పాట్లను ప్రభుత్వ ప్రధాన కార్యదర్శి ఎస్కే జోషి, డీజీపీ మహేందర్ రెడ్డితో పాటు పలువురు అధికారులు పరిశీలించారు. సీఎస్ ఏర్పాట్ల గురించి అధికారులను అడిగి తెలుసుకొని... పలు సూచనలు చేశారు. కోటను జాగిలాలు, బాంబు స్వాడ్తో తనిఖీ చేస్తున్నట్లు డీజీపీ మహేందర్ రెడ్డి వెల్లడించారు. కోట పరిసరాల్లో భద్రతను కట్టుదిట్టం చేసి పోలీసులను భారీగా మోహరించినట్లు డీజీపీ తెలిపారు.
పంద్రాగస్టు కోసం గోల్కొండలో ముమ్మరంగా ఏర్పాట్లు