ఇబ్రహీంపట్నం ఆర్డీవోపై ఈసీకి కాంగ్రెస్​ ఫిర్యాదు

అధికార పార్టీకి అనుకూలంగా వ్యవహరిస్తున్నారని ఇబ్రహీంపట్నం ఆర్డీవో అమరేందర్​పై కాంగ్రెస్​ మాజీ ఎమ్మెల్యే మల్​రెడ్డి రంగారెడ్డి, ఎంపిటీసీ, జడ్పీటీసీల బృందం ఈసీని కలిసి ఫిర్యాదు చేశారు. ఆయనను తక్షణమే ఎన్నికల విధుల నుంచి తప్పించాలని డిమాండ్​ చేశారు.

ఎన్నికలు సక్రమంగా జరగాలంటే అవినీతి అధికారులను వెంటనే ఆయా విధుల నుంచి తప్పించాలని కాంగ్రెస్​ మాజీ ఎమ్మెల్యే మల్​రెడ్డి రంగారెడ్డి అన్నారు. ఇబ్రహీంపట్నం ఆర్డీవో అమరేందర్​ అధికార పార్టీకి అనుకూలంగా వ్యవహరిస్తున్నారని రాష్ట్ర ఎన్నికల కమిషనర్​ నాగిరెడ్డికి ఫిర్యాదు చేశారు. ఫాం 7 ఫిర్యాదులపై ఎలాంటి విచారణ జరపకుండానే ఓట్ల తొలగింపునకు ప్రొసీడింగ్స్​ ఇచ్చారని పేర్కొన్నారు. తక్షణం ఆయనను ఎన్నికల విధుల నుంచి తప్పించాలని ఎన్నికల సంఘానికి విజ్ఞప్తి చేశారు.

ఇదీ చదవండి : మోదీకి పోటీగా బరిలోకి దిగేది తెరాస తరఫు రైతులే