తెరాసది నేనే రాజు.. నేనే మంత్రి పాలన: వేణు గౌడ్

జీహెచ్​ఎంసీ ఎన్నికల్లో భాగంగా కాంగ్రెస్ జోరుగా ప్రచారం చేస్తోంది. గుడిమల్కాపూర్​లో నిర్వహించిన ప్రచార కార్యక్రమంలో ఆ డివిజన్ కాంగ్రెస్ అభ్యర్థి వేణు గౌడ్ పాల్గొన్నారు. తమకు ఒక్క అవకాశం ఇవ్వాలని విజ్ఞప్తి చేశారు.

కాంగ్రెస్ పార్టీని గెలిపిస్తే భోజ గుట్టపై ఇళ్లు, పట్టాలు ఇప్పిస్తానని గుడిమల్కాపూర్ కాంగ్రెస్ అభ్యర్థి వేణు గౌడ్ హామీ ఇచ్చారు. తెరాస ప్రభుత్వం నేనే రాజు... నేనే మంత్రి అనే తరహాలో పరిపాలన చేస్తోందని విమర్శించారు. ఆ ధోరణిని ప్రజలు సహించడం లేదని అన్నారు.

ఒక్కసారి కాంగ్రెస్​ని గెలిపిస్తే గుడిమల్కాపూర్ ప్రజల హామీలను తప్పకుండా నెరవేర్చుతానని చెప్పారు.

ఇదీ చదవండి:ఓటుపై సినీ ప్రముఖులు ఏమన్నారంటే!