కార్పొరేట్ శక్తుల కోసమే రైల్వేల ప్రైవేటీకరణ

సికింద్రాబాద్ రైల్వే స్టేషన్​ను ప్రైవేటీకరించే చర్యలకు వ్యతిరేకంగా సీఐటీయూ ఆధ్వర్యంలో ధర్నా నిర్వహించారు. రైల్వేలను ప్రైవేటీంచకుండా ఆపాలని లేనిపక్షంలో భవిష్యత్తులో పోరాటాలు తీవ్రం చేస్తామని హెచ్చరించారు.

దేశంలో అనేక మందికి ఉపాధి కల్పిస్తున్న ప్రభుత్వ సంస్థ అయిన రైల్వే ప్రైవేటీకరణ చేయటం దారుణమన్నారు సీఐటీయూ నేతలు. భాజపా అధికారంలోకి వచ్చిన తర్వాత ప్రభుత్వ రంగ సంస్థల్ని ప్రైవేటీకరణ చేస్తోందని ఆరోపించారు. సికింద్రాబాద్ రైల్వే స్టేషన్​ ప్రైవేటీకరణకు వ్యతిరేకంగా సీఐటీయూ ఆధ్వర్యంలో ధర్నా నిర్వహించారు. దేశంలో 70 రైల్వే స్టేషన్లను, వర్క్ షాప్​లను కూడా ప్రైవేటీకరణ చేసే విధంగా కేంద్రం అడుగులు వేస్తోందని ఆరోపించారు. ఇకమీదట పేదలకు రైల్వే ప్రయాణం భారం కానుందని వెల్లడించారు. గత సంవత్సరం దక్షిణ మధ్య రైల్వే పదివేల కోట్ల లాభాలను ఆర్జించినప్పటికీ కేంద్ర ప్రభుత్వం ఈ విధంగా చేయాలనుకోవడం దారుణమని విమర్శించారు.

ఇవీచూడండి: పసిపాపపై హత్యాచారం కేసులో ముద్దాయికి ఉరిశిక్ష