ఎన్ఏఆర్ఎఫ్ బీఆర్​కు సలహాదారుగా బీపీ ఆచార్య

హైదరాబాద్​లో ఏర్పాటు చేయనున్న జాతీయ స్థాయి ప్రాజెక్టు ఎన్ఏఆర్ఎఫ్ బీఆర్​కు సలహాదారుగా విశ్రాంత ఐఏఎస్ అధికారి బీపీ ఆచార్యను ఐసీఎంఆర్​ నియమించింది.

ఐసీఎంఆర్ హైదరాబాద్​లో ఏర్పాటు చేయనున్న జాతీయ స్థాయి ప్రాజెక్టు ఎన్ఏఆర్ఎఫ్ బీఆర్​కు సలహాదారుగా విశ్రాంత ఐఏఎస్ అధికారి బీపీ ఆచార్య నియమితులయ్యారు. జీనోం వ్యాలీ అభివృద్ధి సమయంలో కీలకంగా వ్యవహరించిన బీపీ ఆచార్యను ప్రాజెక్టుకు సలహాదారుగా ఐసీఎంఆర్ నియమించింది.

ప్రీ క్లినికల్ ఎనిమల్ ట్రయల్స్​కు దోహదపడేలా నేషనల్ ఎనిమల్ రీసోర్స్ ఫెసిలిటీ ఫర్ బయోమెడికల్ రీసెర్చ్ (ఎన్ఏఆర్ఎఫ్ బీఆర్) సంస్థను ఏర్పాటు చేయనున్నారు. శామీర్​పేట సమీపంలోని జీనోం వ్యాలీలో వంద ఎకరాల విస్తీర్ణంలో రూ.300 కోట్ల రూపాయల వ్యయంతో ఈ ప్రాజెక్టు రానుంది. ఫార్మా, బయోఫార్మా, వ్యాక్సిన్ పరిశ్రమల ప్రీ క్లినికల్ ఎనిమల్ ట్రయల్స్​కు ప్రాజెక్టు ఉపయోగపడనుంది.