గౌలిగూడ మహంకాళీ ఆలయంలో బోనాల సందడి

తెలంగాణ సంస్కృతి, సంప్రదాయాలకు అద్దం పట్టే బోనాల ఉత్సవాలు భాగ్యనగర వ్యాప్తంగా అంగరంగ వైభవంగా జరుగుతున్నాయి. గౌలిగూడ మహంకాళీ అమ్మవారి ఆలయంలో బోనాల వేడుకలు ఘనంగా నిర్వహించారు.

గౌలిగూడ మహంకాళీ ఆలయంలో బోనాల ఉత్సవాలు అంబరాన్నంటాయి. శివశక్తుల చిందులు, పోతరాజుల విన్యాసాలు, డప్పుల చప్పుళ్లతో వీధులన్నీ మారుమోగాయి. భారీగా తరలివచ్చిన భక్తులు అమ్మవారికి బోనాలు సమర్పించారు. దేవాలయ ట్రస్ట్ ఉపాధ్యక్షుడు ఆనంద్ గౌడ్ ఆధ్వర్యంలో బోనాల వేడుకలు నిర్వహించారు. అమ్మవారి నామస్మరణతో గౌలిగూడ ప్రాంగణం భక్తిపార్యవశ్యంలో మునిగిపోయింది.

ఇదీ చూడండి: అమ్మవారికి బంగారుబోనం సమర్పించిన పీవీ సింధు