హైదరాబాద్ ఉప్పల్ భగాయత్ హెచ్ఎండీఏ లేఅవుట్లో ప్రభుత్వం కేటాయించిన బీసీల ఆత్మగౌరవ భవనాల స్థలాలను భాజపా రాష్ట్ర అధ్యక్షుడు, కరీంనగర్ ఎంపీ బండి సంజయ్.. మాజీ ఎమ్మెల్యే ఎన్వీఎస్ఎస్ ప్రభాకర్తో కలిసి పరిశీలించారు. రాష్ట్ర ముఖ్యమంత్రి కేసీఆర్కు ఎన్నికల ముందే కుల సంఘాలు గుర్తుకొస్తాయని విమర్శించారు. జీవోలు విడుదల చేయడమే తప్ప అందుకు నిధులు విడుదల చేయడం లేదన్నారు.
ఉప్పల్లో బీసీలకు చెందిన 22 కులాలకు ఆత్మగౌరవ భవనాల నిర్మాణం కోసం స్థలాలు కేటాయించి.. రెండేళ్లు అవుతున్నా.. నేటికీ నిర్మాణ పనులు ప్రారంభించలేదని అన్నారు. తెరాస ప్రభుత్వం హయాంలో బీసీలకు అన్యాయం జరుగుతుందని చెప్పారు. ఆ పార్టీలో కొనసాగుతున్న మంత్రులు ఎమ్మెల్యేలు ఇప్పటికైనా కళ్లు తెరవాలని బండి సంజయ్ సూచించారు. రాష్ట్రంలోని నిరుపేదల అభివృద్ధి భారతీయ జనతా పార్టీతోనే సాధ్యమవుతుందని స్పష్టం చేశారు.
ఇదీ చదవండి:రెండు పెళ్లిళ్లు చేసుకున్న భర్తకు భార్యల దేహశుద్ధి
