'రైతు రుణమాఫీ ఒకే దశలో అమలు చేయాలి'

రైతు రుణమాఫీ, రైతు బంధు బకాయి నిధులు వెంటనే విడుదల చేయాలని భాజపా సీనియర్​ నేత బండారు విజ్ఞప్తి చేశారు. దత్తాత్రేయ ఆధ్వర్యంలో భాజపా సభ్యుల బృందం సచివాలయంలో ఎస్కే జోషిని కలిశారు. వేసవిలో తాగునీటి ఎద్దడి సమస్యలను పరిష్కరించాలని కోరారు.

రాష్ట్రంలో రైతుల రుణమాఫీ ఒకే దశలో చేయాలని భాజపా సీనియర్​ నేత, కేంద్ర మాజీ మంత్రి బండారు దత్తాత్రేయ ప్రభుత్వానికి విజ్ఞప్తి చేశారు. దత్తాత్రేయ ఆధ్వర్యంలోని బృందం సచివాలయంలో ప్రభుత్వ ప్రధాన కార్యదర్శి ఎస్కే జోషిని కలిసింది. రబీ సీజన్​లో రైతుల నుంచి వరి ధాన్యం పూర్తిగా కొనుగోలు చేసేలా చర్యలు తీసుకోవాలని కోరారు. రైతు బంధు పథకంలో బకాయిలు వెంటనే విడుదల చేయాలని విజ్ఞప్తి చేశారు. తమ విజ్ఞప్తులపై సీఎస్​ సానుకూలంగా స్పందించారని దత్తాత్రేయ తెలిపారు.

ఇదీ చదవండి : రాష్ట్ర కాంగ్రెస్​ నాయకత్వంపై సీనియర్ల అసంతృప్తి