సాధారణ పరిస్థితికి వేగంగా చర్యలు: ఏపీ డీజీపీ

విశాఖ గ్యాస్ లీక్ ఘటనాస్థలిని ఏపీ డీజీపీ గౌతమ్ సవాంగ్ పరిశీలించారు. అనంతరం ప్రమాద ప్రభావంపై సమీక్ష నిర్వహించారు. దిల్లీ నుంచి నిపుణులు వచ్చి.. ప్రమాదస్థలాన్ని పరిశీలించనున్నట్లు ఆయన చెప్పారు. సాధారణ పరిస్థితి తెచ్చేందుకు వేగంగా సహాయచర్యలు చేపడుతున్నట్లు పేర్కొన్నారు.

విశాఖ ఎల్​జీ పాలిమర్స్ ప్రమాద స్థలాన్ని ఏపీ డీజీపీ గౌతమ్ సవాంగ్ పరిశీలించారు. అనంతరం ప్రమాదంపై సమీక్ష నిర్వహించారు. ప్రమాద స్థలాన్ని సాంకేతిక నిపుణులు పరిశీలిస్తారని తెలిపారు. దిల్లీ నుంచి మరికొందరు నిపుణులు వస్తున్నారన్నారు. ఘటనాస్థలిలో సాధారణ పరిస్థితి తెచ్చేందుకు వేగంగా సహాయచర్యలు చేపడుతున్నట్లు ప్రకటించారు.

గ్యాస్ లీక్ ఘటన సహాయక చర్యల్లో పాల్గొంటూ పలువురు పోలీసులు అస్వస్థతకు గురయ్యారు. వారంతా కేజీహెచ్‌, కేర్ ఆస్పత్రుల్లో చికిత్స పొందుతున్నారు. వారిని డీజీపీ గౌతమ్​ సవాంగ్​ పరామర్శించనున్నారు.