పెళ్లి షాపింగ్​లో విషాదం....

తన మేనకోడలి పెళ్లికి షాపింగ్​ చేసేందుకు అందరూ హుషారుగా బయలు దేరారు. కానీ మధ్యలోనే కడు శోకంలో మునిగిపోయారు. చిరునవ్వుతో ఉన్న వారి ముఖాలన్నీ రక్తపు మరకలతో నిండిపోయాయి. ఓ అమ్మకు కడుపుకోత మిగిలింది.

హైదరాబాద్ నల్లకుంట ఫీవర్ ఆస్పత్రి వద్ద జరిగిన రోడ్డు ప్రమాదంలో నాలుగేళ్ల బాలుడు మృతి చెందగా... 12 మందికి గాయాలయ్యాయి. కుషాయిగూడకు చెందిన మధు తన మేనకోడలి పెళ్లి షాపింగ్​ కోసం మారుతి వ్యాన్​లో వెళ్లారు. రామ్​నగర్​లో షాపింగ్ పూర్తి చేసుకుని బేగంబజార్​కు నల్లకుంట మీదుగా వెళ్తుండగా... ఫీవర్ ఆస్పత్రి వద్ద డివైడర్​ని ఢీకొని ప్రమాదం జరిగింది.

ఈ ఘటనలో నాలుగేళ్ల శ్రీఆన్స్ మృతి చెందగా... డ్రైవర్ సహా మిగతావాళ్లంతా గాయపడ్డారు. క్షతగాత్రులందరినీ చికిత్స నిమిత్తం గాంధీ ఆస్పత్రికి తరలించినట్లు పోలీసులు చెప్పారు.