'మల్లారెడ్డిపై, ఆయన కళాశాలలపై చర్యలు తీసుకోవాలి'

మంత్రి మల్లారెడ్డిపై, ఆయన కళాశాలలపై చర్యలు తీసుకోవాలని ఏబీవీపీ నాయకులు జేఎన్​టీయూ వద్ద ఆందోళనకు దిగారు. మంత్రికి వ్యతిరేకంగా నినాదాలు చేస్తూ... ఆయనను పదవి నుంచి బర్త్​రఫ్ చేయాలని డిమాండ్ చేశారు.

కూకట్​పల్లిలో జేఎన్​టీయూ పరిపాలన విభాగం కార్యాలయం ఎదుట ఏబీవీపీ కార్యకర్తలు ఆందోళనకు దిగారు. న్యాక్​ గుర్తింపు కోసం తప్పుడు పత్రాలను సృష్టించిన మంత్రి మల్లారెడ్డిపై, ఆయన కళాశాలలపై చర్యలు తీసుకోవాలని డిమాండ్ చేశారు. జేఎన్​టీయూ అనుబంధంగా ఉన్న... మంత్రి చెందిన కళాశాలల గుర్తింపు పత్రాలను పునః పరిశీలించాలన్నారు. మంత్రి మల్లారెడ్డిని పదవి నుంచి బర్త్​రఫ్ చేయాలని డిమాండ్ చేశారు.

అనంతరం యూనివర్శిటీ రిజిస్ట్రార్ మంజూర్ హుస్సేన్​కు వినతి పత్రం అందజేశారు. మంత్రి కళాశాలలపై కమిటీ ఏర్పాటు చేసి.. విచారణ జరుపుతామని రిజిస్ట్రార్ హామీ ఇవ్వడంతో విద్యార్థులు ఆందోళన విరమించారు.

ఇదీ చూడండి:'మంత్రి మల్లారెడ్డిని పార్టీ నుంచి బర్తరఫ్ చేయాలి'