హత్యచేసి మృతదేహాన్ని నీళ్లట్యాంకులో పడేశారు

ఓ వ్యక్తిని హత్య చేసి నీటి ట్యాంక్​లో దాచిన ఘటన పహాడి షరీఫ్ పోలీస్ స్టేషన్ పరిధిలోని జల్పల్లి ఇండస్ట్రియల్ ప్రాంతంలో వెలుగు చూసింది.

హైదరాబాద్ నగర శివారు పహాడీ షరీఫ్​ ఠాణా పరిధిలోని జల్పల్లి ఇండస్ట్రియల్​ ఏరియాలో దారుణం జరిగింది. ఓ వ్యక్తిని హత్య చేసి మృతదేహాన్ని ఓ చిన్న నీటి తొట్టెలో పడేసిన ఘటన వెలుగులోకి వచ్చింది. పరిసర ప్రాంతాల్లో తీవ్ర దుర్గంధం వస్తుందని స్థానికులు ఇచ్చిన సమాచారంతో ఘటనా స్థలికి చేరిన పోలీసులు నీటి ట్యాంకును తొంలగించి చూడగా కుళ్లిపోయిన స్థితిలో వ్యక్తి మృతదేహం కనిపించింది. ఎల్బీనగర్​ డీసీపీ సన్​ప్రీత్​సింగ్​, వనస్థలిపురం ఏసీపీ నారాయణ సమక్షంలో మృతదేహాన్ని వెలికి తీశారు. పోలీసులు కేసు నమోదు చేసుకుని దర్యాప్తు చేస్తున్నారు. నిందితుడు ఎవరు, హత్యకు గల కారణాలేమిటి అనే కోణంలో దర్యాప్తు చేస్తున్నారు.

ఇదీ చూడండి: బావిలోకి దిగిన యువకులు ఎలా చనిపోయారు..!